配額用到盡

猪拉多纳

　　今季馬會把騎師與馬房合作上限調低，藉以打擊影子主帥問題，新制度之下，唔見得部分騎師受到好大影響，正所謂，你有張良計、我有過牆梯，成效真係有限。

　　單以韋達與蔡約翰呢一對，已經睇得出冇大影響，今季蔡贏了64場頭馬，其中50場由韋達建功，佔整體約78%，而約佔後者頭馬總數一半，可見二人合作之手依然緊緊互扣。

　　同時，今季二人合作達214匹次，差不多係韋達出賽總數39.4%（法定上限係百分之四十），咩叫做用到盡，呢對騎練已經親身示範畀大家睇！

　　所以，唔進一步再作出調整，騎師陣營傾斜局面，咪繼續係冇變。