特雷斯登科隆鋒線大翻新

猪拉多纳

德乙首輪賽事特雷斯登主場鬥科隆，兩軍上季同因攻力不足問題影響成績，今個暑期痛定思痛，全力增強鋒力，呢場會係對攻格局，入球大有1.95倍相當值博。

（周六晚9時30分開賽）

科隆上季爭升班失敗，今個暑期搵嚟瘋狂嘅史杜查執教，改踢「四三三」主攻陣式，球隊買斷上季由緬恩斯借用嘅尼日利亞箭頭安東尼烏查，又買入另一緬恩斯攻擊手馬素懷斯，加埋喺1860慕尼黑撬走前德國U21翼鋒丹尼爾夏化，鋒力大增，原有箭頭湯馬士布卡較早前熱身賽對馬略卡亦顯示狀態大勇。不過，防線重心奇雲麥堅拿因傷缺陣，今仗作客未必可以保主清白之身。

特雷斯登上季排尾三搞到要踢附加賽僥倖護級，全季只入35球德乙最差，今季終於搵番舊將斯洛文尼亞國腳前鋒迪迪回巢，同本身前鋒米高樸迪故劍重逢，兩人前季合作合共轟入25球，球隊攻力回升主場誓同科隆對攻，入波又點會少？