士氣質素乜都贏晒 揀東瀛1.92倍主勝

猪拉多纳

新丁博上位實同你砌

東亞錦標賽最具張力嘅「中日大戰」今晚爆發，雖然日本今次以「3隊」出戰，名單中有15個球員未試過為國家隊上陣，但國足怒炒教頭甘馬曹後，看守領隊傅博竟然搵番啲雪櫃貨出嚟用，輸士氣又輸卡士，寧願撐1.92倍日本主W！

（now633及635、中央5台、廣東體育周日晚8:00直播）

或者大家覺得，日本有10個球員首次入選，15個未試過喺國際賽落場，本田圭佑、香川真司同長谷部誠等外流球星全部唔見人，戰鬥力會差好遠。只不過，今次日本陣中，絕大部分係邊緣國腳或者新人，就連被選做隊長嘅駒野友一，都未必有機會連續3場踢正選，試問佢哋有得落場，點會唔搏命呀？
歐洲大球會（目及）實櫻花3寶

事實上，今季日職射手榜入面，最叻嘅外援馬昆奴斯只係排第7位，其餘全部係日本球員，當中豐田陽平、工藤壯人同柿谷曜一朗都有份入選今次大軍，論質素，我真係唔信佢哋會差過中超球員，淨係大阪櫻花3寶柿谷曜一朗、山口螢同扇原貴宏，已經係好多歐洲球會收購目標，射爆國足大門又有幾難呀？
國足看守教頭用番雪櫃兵

對家國足，佢哋件看守教練傅博只係助教材料，搵佢帶隊踢東亞錦標賽，感覺似搵人做代罪羔羊多啲。最慘係佢對點兵毫無頭緒，竟然搵番包括杜威在內嘅多件雪櫃貨出嚟用，又話要用番再上一代教頭高洪波嘅地面進攻戰術，全隊質素同士氣都好唔掂，仲玩控球在腳？國足邊贏到日本呀！就算有13個上屆捧盃成員在陣都冇用啦！
日本對賽15年未輸過

‧自1998年後，日本對中國連續15年不敗。

‧日本喺洲際國家盃連續3場開入球大。

‧日本連續4場開入球單。

‧中國近4屆東亞賽得5勝3和4負，不敗率有67%。