山度士哥列迪巴鬥入波

猪拉多纳

今晚巴甲有山度士主場迎戰哥列迪巴，雖然後者今季表現穩定，好彩山度士都有今年先獲提拔上一隊嘅小將尼爾頓壓陣，火力同樣信得過，入球大有2.02倍當然要捧啦！

（開賽時間：周一凌晨3:00）

哥列迪巴開咧至今仍然未輸過，除咗因為防守夠穩健，入球數量穩定都係要素，踢咗7場先至得1仗冇進帳。首先巴西老將迪維迪延續上季嘅高效率，開咧到依家已經入咗3粒，安哥拉年輕射手謝拉度自國際賽回歸後亦有好表現，前鋒基利臣亦即將復出，要轟多幾粒唔係難事。
迪維迪 尼爾頓狀態弗

山度士失去主力尼馬後雖然經歷過一段唔多識入波嘅時間，特別係首5戰都未試過入多過1粒，但今年先至升上一隊嘅新星尼爾頓已經極速融入球隊，令山度士表現慢慢改善，上仗對波圖基沙連入4球，當中尼爾頓更梅開二度，證明佢哋已經慢慢適應緊冇尼馬嘅鋒線。況且佢哋今季喺主場，無論係聯賽定盃賽都暫時未輸過，對住哥列迪巴就算贏唔到，相信都可以大踢進攻足球做番場入球騷！