喜伯年「+1」有雞偷

猪拉多纳

馬模領先兩粒作客唔會搶
歐霸盃外圍賽第二圈次回合，蘇超喜伯年返主場再戰瑞典超馬模。首回合馬模贏2比0，睇落贏得好輕鬆，但今次要去到蘇格蘭比賽，領先兩粒鬥心冇咁強，要再贏對手有難度。馬模有疑點難讓喜伯年，1.78倍「讓球主勝」較為可取。

（周五凌晨2時45分開賽）

馬模近期狀態的確唔錯，連同聯賽及歐霸盃取四連勝，但所謂好狀態隨時係假象，皆因上述4場勝仗都喺主場進行，馬模所受嘅考驗其實唔算太大。今次突然要飛赴蘇格蘭作賽，整個形勢將截然不同，對於球員心理及體能尤其影響，故未必可對喜伯年構成威脅。要留意喜伯年落後在先，次回合佔主場之利肯定會傾全力反撲，積極性一定喺馬模之上，受讓就更加值捧。

連菲特唔赦薩丁
另外，北愛爾蘭連菲特主場對希臘薩丁，同樣捧「讓球主勝」。連菲特首回合作客贏薩丁1比0，今次返主場當然唔會同你急，一於拖慢節奏悶死對手為止。薩丁人腳質素唔高，作客又唔係佢哋強項。再加上連菲特今次打法會偏向防守，薩丁要搵空位攻門難度更高，客隊今場難讓對手，「讓球主勝」逾2倍抵玩。

蘇超聖莊士東主場對挪超兵洛辛堡，細盤開出機會較高。聖莊士東喺首回合用穩守突擊戰術玩殘洛辛堡，今次返主場大可「照辦煮碗」，細盤好路。