加拉塔沙雷波圖「大」駁火

猪拉多纳

同日酋長盃早場，由土超勁旅加拉塔沙雷出戰葡超班霸波圖。加拉塔沙雷近期一共踢咗4場熱身賽，值得一提係球隊4場全部有波入，證明攻力不俗。波圖亦唔執輸，前後踢咗5場熱身賽，全勝之餘更喪轟18球，可見球隊火力甚猛。兩支攻力強勁的球隊對戰，預期今仗會上演入球騷，入球大走唔甩。

（now 635及621周六晚9時直播）

加拉塔沙雷今夏最重磅嘅收購係里爾後衞捷祖同上季外借効力、今季成功買斷嘅巴西中場菲臘比美路，球隊中前場仍以荷蘭中場史奈達同科特迪瓦射手杜奧巴擔大旗，攻擊相當有保證，佢哋踢嘅4場季前熱身賽，錄得2勝1和1負，而4場賽事中場場有波入，足見狀態穩步上升，今仗咪理輸贏，但爭取「士哥」應該冇乜難度。

熱身賽入球數字驚人
波圖早前被法甲新貴摩納哥以6,000萬鎊打包中場摩天奴同哥倫比亞中場占士洛迪古斯過檔，但球隊雖擁巨額資金，但並冇豪使增兵，反而繼續於世界各地以平價搜羅有質素球員，當中最具名氣嘅，相信要算係上季踢緊意甲佩斯卡拉的哥倫比亞中場祖安昆特路。

事實上，波圖似乎未有受到失去兩位主力的影響，球隊於季前熱身賽取得5連勝之餘更轟入對手18球，火力之猛實在令人咋舌，今仗就算面對實力分子加拉塔沙雷都一樣有能力破門。由於對賽兩軍火力同樣威猛，今仗勢演入球騷，捧大好正路。