祖記出副選夠炒銀河

猪拉多纳

於美國舉行嘅國際冠軍盃，負線賽區祖雲達斯對洛杉磯銀河。計實力洛杉磯銀河屬是項錦標實力最弱球隊，面對歐陸班霸級數輸蝕，即使祖雲達斯隨時繼續以副選上陣，估計仍可輕取對手，今場可大膽多少捧「讓球客勝」。

（now 632及621周日早上10時30分直播）

祖雲達斯首場鬥愛華頓於90分鐘打和1比1，最終互射12碼輸波繼而進入負線賽區。實在祖雲達斯屬負線賽區唯一未敗球隊，計賽績絕對唔差，況且「斑馬兵團」當日與愛華頓表現唔曳，雙方互有攻守之餘，左翼卡華禾艾沙姆嘅妙絕勁射更贏得全場掌聲，今場撞正實力最弱球隊洛杉磯銀河，相信祖雲達斯可給予對手巨大壓力。

泰維斯洛蘭迪殺晒
再者，以教練干地排陣慣例推算，今場未必會派太多一線球員落場，幾位有參加洲際盃嘅球員如保方、派路、馬治斯奧等，上圈面對愛華頓都冇份打正選，料今場坐喺場邊打氣居多，不過佢哋一對「新丁前鋒」泰維斯及洛蘭迪殺傷力強勁，洛杉磯銀河後防未必頂得住，加上現時美職仍在進行，洛杉磯銀河都要為聯賽而留力，喺今場熱身賽揸流攤唔出奇，祖雲達斯「-1」有買趁早。