騎師必須全力以赴

猪拉多纳

　　騎師在衝線一刻，應該講係衝線前後至啱，梗係傾盡全力鬥到底，即使係爭緊好似無關痛癢嘅第四名，一樣唔可以掉以輕心，背後原因其實好簡單，就係要對得住自己專業資格，同埋，投X在你身上嘅馬迷。

　　依家越洋賽事成日有得播，經常見到外國好多重要賽事，啲騎師如果贏唔到冠軍，二三名爭持之中，都會冇咗上進心，自自然然軟手軟腳。

　　但係香港唔同外國，執法嚴謹得多，涉及彩池亦多好多，跑第三，同跑第四，已經差十萬九千里！

　　奉勸香港某啲騎師，唔好以為自己好眼利，判斷比人準確，或者係唔想浪費氣力，衝線嗰步壓咗落去就算，假如自己判斷出錯，到時就手尾長，不過，一定唔會有人可憐。