用心良苦的紅欄

猪拉多纳

　　早幾年，馬會專登在跑道大外欄髹上紅油，由距離終點50米開始上色，希望等嗰啲正在外欄衝刺嘅騎師，知道差唔多就到終點，記得落力策騎，唔好以為仲有好耐先至衝線。

　　比賽之際，騎師太過入神，頃刻之間，唔記得自己身在最後五十米，定係最後二十米，真係唔稀奇，早年外國有騎師連終點柱都可以睇錯啦，所以，田草大外欄染色，一定起到提醒作用。

　　馬會連呢方面都同佢哋諗埋，香港騎師的確係好幸福，陣上理應更加落力，以答謝各界愛戴，偏偏有啲人「藝高人膽大」，最後幾十米手軟腳軟又有，唔多認真亦見唔少。

　　但作為馬迷的我們，做唔到啲乜，只有等，一於放長雙眼，睇吓佢哋幾時畀人釘死。