騎師「外遊」要睇情況

猪拉多纳

　　有啲騎師特別多「外遊」，所指唔係佢地成日出埠，又或者喜歡旅遊，意思係比賽過程中，他們的坐騎經常在外欄冇遮擋，最有代表性兩位仁兄，梗係蔡明紹及巫斯義。

　　蔡明紹喜順其自然

　　蔡明紹開宗明義，鍾意順其自然策騎；巫斯義殿堂級好手、韁繩好，氹得坐騎舒服，佢哋好多時以「外遊」跑法，真係好似吹唔脹，但係有啲情況係咪可以盡量減少？只有佢兩人最清楚。

　　依家每場賽事好緊湊，因為馬匹與馬匹之間實力接近，騎師跑得好唔好，有着直接關連，筆者唔會話蔡明紹順其自然騎法錯晒，以及巫斯義處理望空手法高明，不過，又唔能夠否認，有啲馬匹因為「外遊」賠上機會！