星級陣容 惡過老虎 QPR撲擊埃克塞特

猪拉多纳

英格蘭聯賽盃第一圈未有英超球隊參賽，斯維將注意力集中喺啱啱開咧嘅英冠球隊身上，其中埃克塞特主場對昆士柏流浪（QPR）最值得留意；QPR雖降落英冠，但今季陣容變動唔大，加上麻煩友祖爾巴頓收拾心情踢好波，實力有增無減，作客乙組仔埃克塞特不勝無歸，客勝有計。

（周三凌晨2時45分開賽）

今季QPR降落英冠比賽，由於球隊一早定下升班大計，老闆費爾南德斯又係有米之人，唔使賣人籌旗，因此QPR的陣容與上季變化不大，上周六英冠開鑼日，QPR主場以2比1反勝錫周三，贏得極具說服力，明顯超晒班，安祖莊臣、森莫亞、奧奴夏及凱列特等主力表現逐漸上力，連之前話明唔會踢英冠嘅麻煩友祖爾巴頓亦乖乖披甲，可謂如虎添翼，證明紀律嚴明嘅主帥夏利列納，治得掂呢班大帝，只要專心踢波相信可以喺英冠打橫行。

埃克塞特只係乙組仔，足足比QPR低兩級，加上近六次交手未嘗一勝，就算主場都難擋決心十足嘅QPR，斯維相信QPR射手安祖莊臣及森莫亞又可盡情數胡，客勝有1.5倍咪嫌少。

錫周三防守曳吼大
至於上仗聯賽輸畀QPR的「貓頭鷹」錫周三，猶如中門大開，一眾守將明顯唔夠集中，防線錯漏百出，幸好奧地利前鋒紐奧腳風都幾順，今仗作客面對同樣攻強守弱嘅甲組球隊洛達咸，隨時合演入球騷，揀大盤穩陣。

另一支英冠勁旅李斯特城與QPR一樣，開咧戰作客豬頭骨米杜士堡反勝2比1，最諷刺係射手基斯活特被換出後，「狐狸」立即完成大逆轉，搞到佢谷埋成肚氣，適逢今圈作客遇上乙組仔韋甘比，仲唔係基斯活特發洩好時機，「讓球客勝」不容錯過。

猪拉多纳