有責任避免「外遊」

猪拉多纳

　　講開騎師「外遊」，話之佢係乜水，十三屆冠軍韋達，或者小將，「外遊」機會人人有份！如果因為排檔唔好，或者起步畀對手迫出外檔，可以話情有可原，若然係人為，真係睇到一肚氣。

　　谷草賽駒受影響大

　　田草賽事「外遊」，未必輸梗，跑谷草，場地窄、彎又急，「外遊」影響馬匹機會嚴重得多，呢點你知我大家知，冇理由騎師會唔知，所以，騎師唔盡力避免「外遊」，根本冇盡到責任。

　　我哋冇乜見過騎師因為「外遊」而被罰，最多係賽後畀小組「鵝」幾句了事，但係咪視為瑣事一樁，唔需要負責？我又唔多認同，試諗吓，賽前如果公布某騎師有好大機會「外遊」，睇吓仲會唔會吸引到外界下注？