盡量唔好兜大彎

猪拉多纳

　　騎師應該盡量唔好在陣上「外遊」，此舉係保障投X者利益，另一方面，騎師抄出大外叠轉彎，如果可以避免，亦都應該全心去做，而呢方面嘅「靈魂人物」，首推杜利萊。

　　抄出大外叠轉彎，蝕得有幾緊要，有時未必能夠量化，好似全闊田草A欄，如果兜大彎，一眼就知蝕到阿媽唔認得，但以為C+3欄冇咁蝕咩？可能又唔係，因為彎位急，轉大彎之後較難平衡，影響埋衝刺時間。

　　騎師係咪逼不得已先至抄出大外叠轉彎，明眼人一睇就知，如果全心全意避免坐騎蝕腳程，最終做唔到，相信唔會有人怪責，但係情況如果相反的話，就會畀人感覺跑馬是是但但。希望在新一季，一眾騎師為着馬迷着想，比賽時可以落足心機策騎。