過早放棄要不得

猪拉多纳

　　有啲所謂高手，唔知係咪學壞師，如果坐騎在直路初段交唔出反應，佢哋就會手軟腳軟，求其騎吓就算，絕對唔會嘥力！呢種態度真係要不得，體育精神何在。

　　馬會應嚴懲散漫騎師

　　馬匹唔係機器，唔會一下子就交到強烈反應，亦可能有啲馬匹屬遲鈍型，要起勢騎先至會有反應。點解有啲馬無端端爆冷，直路如飛殺上？就係嗰啲騎師抱着唔放棄態度，騎起隻馬的潛在後勁，結果愈騎愈有。

　　死馬當活馬騎，抱着不氣餒態度，係作為專業騎師應有操守，收得策騎費，跑入前五名又有獎金，點可以欺場？所以，馬會應該嚴懲態度散漫的騎師，唔單止係末段變軟腳蟹嗰啲，直路初過早放棄嘅，同樣要重罰。