拉魯斯留力作客食賽

猪拉多纳

今晚有多場國際賽上演，但阿King就睇中南球盃賽事。今場南球盃由兩支阿根廷球隊對碰，聯賽排第十八的競賽會主場鬥排第五的拉魯斯。兩軍剛巧同於聯賽輸波，競賽會主場大敗可見球隊狀態一般；拉魯斯作客雖同樣落敗，但表現不算太差，今仗平手盤值得支持，捧客軍。

（周四早上8時15分開賽）

今仗為南球盃第二圈首回合賽事，競賽會聯賽開鑼首兩戰表現未如理想，其中上仗更於主場慘吞聖羅倫素三蛋，這場大敗除對球員士氣有影響外，更可顯示球隊現時狀態平平。競賽會今仗除有前意大利國腳甘莫蘭尼斯未能復出外，更有後防費蘭度奧迪斯及前線韋圖缺陣，實在難寄厚望。

明尼路捧完自由盃未回魂
客軍拉魯斯可說是今夏阿甲其中一支組軍較積極的球隊，球隊成功收購射手辛迪亞高馬田施華及美拿路，另有前阿根廷U21國腳阿高斯達來投，實力增強不少。其中辛迪亞高馬田施華這位前小保加射手加盟球隊後即有優異演出，近兩仗射入三球證明冇入錯貨。拉魯斯上仗聯賽雖作客輸波，但不排除留力應付今仗南球盃賽事，面對狀態低迷的競賽會相信有力全身而退，平手盤捧客軍。

其餘賽事方面，明尼路自贏得南美自由盃後似乎仍沉醉勝利氣氛，近五仗只得兩和三負未嘗一勝；對手巴希亞近六仗作客只輸一仗，今仗有力一戰，捧「讓球客勝」。富明尼斯近期狀態只屬一般，主場戰績亦未見突出，相反哥連泰斯近五仗作客未輸過，今仗捧下盤。