俄羅斯勢炒北愛上榜首

猪拉多纳

英超開咧前夕撞正國際賽期，德國同西班牙等勁旅都會踢熱身賽，呢班球星為咗留力聯賽，落到場隨時就住，喺今晚超過20場國際賽入面，梗係揀番場「認真波」玩先夠刺激o架嘛，（三）15 北愛爾蘭對俄羅斯場世界盃歐洲區外圍賽就係最好選擇喇！皆因俄羅斯只要贏波，就可以喺踢少場下壓過葡萄牙升上F組榜首，球員肯定出盡全力，一於撐2.03倍「讓客」啦！（開賽時間：周四凌晨2:45）

俄羅斯上仗輸畀世盃外圍賽同組勁敵葡萄牙，但睇番再之前嗰8場，佢哋全部未輸過，喺F組獲5戰4勝、只失1球佳績，雖然艾沙維冇入選，但得分主力基沙哥夫同舒洛哥夫都在陣中，加上主帥卡比路話成班波無論狀態同心態都喺頂峰，對住喺今屆世盃外未贏過嘅北愛爾蘭照計游刃有餘。

北愛爾蘭前鋒大衞希利、後衞拜阿迪本身經驗夠，不過因為未有班落冇狀態而畀領隊米高奧尼爾棄用，前線同後防都缺一大將，今鋪真係聽炒喇！