柏寶大不如前

猪拉多纳

　　真係唔知發生咩事，想當年聲勢直迫韋達嘅柏寶，近年愈來愈唔似樣，就咁睇佢近季仲有幾十場頭馬，好似成績見得吓人，其實，同佢全盛時期相比，少咗一半有多！

　　喺06至10年馬季，柏寶頭馬場數比近季高出好多，試過3季超過80W，最叻數到09/10年度99W，可惜近季縮晒水，剛季42W係佢在港以來第二低，成績退步極為明顯。

　　上季柏寶多得「天久」、「太陽好好」、「包裝博士」，同佢爭番啲印象分，如果唔係，整體演出麻麻，熱門輸得多、走位粗心大意、畀人感覺冇乜朝氣。今季情況持續下去，真係唔會hea得幾耐，事關連一向最支持佢嘅方廐，亦同潘頓加強合作，柏寶唔再努力向上，或者好快會在港消失。