燕豪芬半場大起伊高斯

猪拉多纳

周日凌晨有場荷甲直播，燕豪芬主場鬥伊高斯，燕豪芬開季連盃賽4戰全勝，狀態托弗，主場迎戰升班球隊穩操勝券，不過主Ｗ熱至1.06倍冇肉食，讓球主客和讓二球又略嫌太多，波童建議捧1.65倍「半場大」。

（now 670及672周日凌晨零時45分直播）

早啲搞掂留力歐聯
燕豪芬上周主場大勝奈梅亨5比0，今次續於主場出擊勝算甚高，不過佢哋下周將於歐聯附加賽鬥AC米蘭，今場有大條道理留力。睇番佢哋上次出戰歐聯前作客海牙，上半場早早領先3比0，之後不以為然結果被追至3:2，唔排除今次會出現同樣情況，讓球主客和讓到二球有一定風險。

新升班嘅伊高斯頭兩輪聯賽保持不敗，增強了球員比賽信心，而且兩仗都有士哥，未必冇還擊之力，配合主隊希望速戰速決嘅態度，「半場大」係波童投X首選。■