馬賽強鋒食住伊維恩

猪拉多纳

今晚法甲早場馬賽主場迎戰伊維恩，除咗兩大富戶聖日耳門及摩納哥之外，馬賽算係幾肯使錢嘅法甲球隊，始終佢哋要兼顧聯賽及歐聯等戰線，最揼本係以1000萬歐元從里爾挖來皮耶，呢位射手極速融入球隊，喺開鑼日作客甘岡就省兩粒，並激活埋高大中鋒基格納，令上季經常煲魚生粥嘅鋒線大為改善。

至於伊維恩今夏流失多名主將，又冇乜錢增兵，相信今季都係以護級為目標，況且過往作客都畀馬賽食住，今仗凶多吉少，勢兇夾狼嘅馬賽要贏兩粒冇難度，要「讓球主勝」。（now 714周六晚11時直播）