海軍鬥水兵湘南磐田旺開1:1

猪拉多纳

今日日職湘南比馬主場鬥磐田山葉，可以話海軍鬥水兵格局，除咗湘南主場4連敗頹爆，磐田作客更未嘗勝利滋味，雙方今場都冇必勝把握，睇往績7倍「1:1」開出機會唔細。（開賽時間：周六晚6:00）

湘南比馬主場演出麻麻，僅得2勝3和5負成績，雖然輸畀三箭、水手呢啲勁旅冇嘢好講，不過4連敗都係鐵一般嘅事實。按照近期頹勢，湘南今場惡鬥磐田難言穩勝，不過話晒係護級主要對手，相信贏唔到都唔會輸，捧湘南今季主場和波必開嘅「1:1」最啱數。

另邊廂嘅磐田山葉，金園英學、山田大記等主將今季發揮唔錯，後防更有駒野友一與伊野波雅彥兩名國腳鎮守，可惜班波始終打唔起，聯賽作客仲慘情到5和5負未贏過，但佢哋5場和波除咗1次「2:2」，其餘全部開晒「1:1」，往績同湘南咁夾，唔係唔撐呀？