作風穩陣！諾域治 愛華頓吼半和

猪拉多纳

英超、西甲齊齊開鑼，但講親切感始終英超佔優，所以今次「半場主客和」都揀場英超（六）24 諾域治主場對愛華頓做推介。雖然諾域治今季重新打造鋒線，但好難立刻見效；愛華頓人腳較佳，但新帥馬天尼斯啱啱上任難免踢得保守，2.02倍「半場和」可捧。（now623台周六晚10:00直播）

諾域治今季放走主力射手格蘭荷特，分別買入些路迪射手加利賀柏同士砵亭前鋒雲禾夫斯雲高。前者喺熱身賽受傷唔踢得，後者未必咁快適應到英超嘅硬朗球風。不過新兵守將加里度、馬田奧臣已有英超比賽經驗，有望改善防守漏洞，而且主帥曉頓作風穩陣，上季主場出擊好少喺半場落後，今仗肯定繼續防守為上。

「拖肥糖」今季由新帥馬天尼斯執教，可能大家以為呢位前韋根領隊鍾意鬥攻，但翻查韋根上季聯賽11次作客開「半場和」，可見呢位主帥唔係盲目進攻。加上聯賽首戰作客出擊，自己仲未熟悉旗下球員，踢得保守唔出奇。