盤口蠱惑 博山度士添食

猪拉多纳

巴塞隆拿購入尼馬，個個都引頸以待睇佢今晚表現，相反賣走咗尼馬嘅山度士就慘喇，成績一落千丈，依家喺巴甲只係排第十六，鋒線冇咗呢把尖刀，攻力真係差好遠。

巴希亞三連敗仲要讓波
經過一排適應，山度士最近三仗終保不敗，望落去好似慢慢重拾正軌，作客對住三連敗嘅巴希亞，牌面上係最好搶分場合，但盤口又唔係咁顯示喎，巴希亞今場竟然要讓平半，蠱蠱惑惑咁款，似係氹你買上盤，今仗一於逆思維，正路啲揀番山度士，同莊家對着幹。

（周一清晨5時30分開賽）