維拉利爾「客勝」咪嫌熱

猪拉多纳

新兵質素佔優！

艾美利亞同維拉利爾上季齊齊搶得升班資格，估唔到重返西甲後首場聯賽即刻碰頭。維拉利爾今夏喺前中後三線都有買人提升實力，相反艾美利亞新兵欠缺質素，即使主場出戰都冇咩能力讓波，受讓嘅1.52倍「讓球客勝」咪嫌熱。（開賽時間︰周二凌晨4:00）
艾美利亞借蘇素幫唔到手

艾美利亞實力一般，物色新兵都係以低聯賽組別球員為主，名氣最大嘅只係利物浦借將蘇素。如果佢有力改變戰局，羅渣士留佢打後備都唔會外借佢啦，雷法爾就唔信呢位西班牙小將一返祖國踢波就曉飛喇。以艾美利亞嘅人腳嚟講，真係冇強攻本錢。

相反，「黃色潛艇」升班後分別買入前鋒杜斯山度士、中場湯馬士賓拿同中堅包列斯達，前兩人西甲比賽經驗夠，應該好快可以融入球隊，而且中堅梅沙基奧今仗復出坐鎮後防，亦可進一步減少防線漏洞。何況佢哋近3場熱身賽不敗，當中又試過砌低費倫天拿，證明球員狀態漸入佳境，以佢哋近4次聯賽同艾美利亞交手未輸過嘅往績，今仗坐底執番1分。