聖伊天客W執到堡

猪拉多纳

射手着火操到弗

今晚歐霸盃外圍賽附加賽首回合好戲連場，其中丹麥球隊艾斯堡主場硬撼法甲聖伊天最好路。「綠軍」聖伊天為爭取佳績提早開操，眾將上晒力，加上射手白蘭達奧腳風順，面對次一級嘅艾斯堡有力先拔頭籌，客勝值博。（周五凌晨1時開賽）

作為法國老牌勁旅，聖伊天經過多年嘅浮沉後，逐漸回復霸氣，上季唔單止勇奪法聯盃，仲差啲取得歐聯入場券。雖然今季聖伊天將前鋒奧巴美揚賣畀多蒙特，但及時補入伊巴謙施素高、達賓奴、哥尼特等實用球員，並且提早開操，睇得出非常有野心，「綠軍」自開咧後，聯賽連歐霸四場全部贏晒，喺小將葛特蘇馬領銜嘅防線仲一球不失，主力前鋒白蘭達奧更包辦當中四個士哥，證明佢寶刀未老，成班波弗到漏油。丹麥球隊艾斯堡實力遜一籌之餘，近期一場好完就一場壞，演出極度飄忽，就算有地利都信唔過，「綠軍」攻守兼備，可於首回合搶得先機，客勝捧得過。
史炒魚腩出雲斯氣

另一場俄超球隊古賓主場對荷蘭勁旅飛燕諾，後者嘅意籍中鋒加斯安奴柏利士哥停不了，但衰在防線穿窿，開咧三場失八粒，一眾守將踢到慌失失，主帥朗奴高文深明短期內難望改善，寧願以攻代守同古賓鍊過，大盤有計。至於英超史雲斯主場羅馬尼亞球隊比杜路爾，儘管史軍剛於聯賽大敗畀曼聯，但前荷甲金靴韋菲特邦尼極速融入交足貨，由佢拍住米捷火力驚人，可輕取「二打六」比杜路爾，「讓球主勝」咪錯過。