羅馬客Ｗ 莊家睇淡

猪拉多纳

意甲已經開鑼，周日晚有場利禾奴主場對羅馬。純計質素及名氣羅馬梗係贏晒，照計對住升班球隊利禾奴，羅馬要贏波應該唔難。不過從賠率所見莊家對呢支首都球隊唔多睇好，利禾奴喺主場隨時攞到分數。今場羅馬作客讓半一太多，下盤捧得過。

（周一凌晨2時45分開賽）

羅馬賠率變動不大，港區造價長期處於1.8倍。但其實歐洲地區近日已紛紛作出技術性調整，幾間知名菠菜公司如PADDY POWER、INTERWETTEN、CORAL等，已將羅馬贏波賠率調升至2倍，相信港區亦會作出跟進工作。羅馬今季放走唔少好球員，競爭力隨時下降。而且近年作客利禾奴都成日失分，往績上畀唔到投資者信心。