烏甸分心歐戰 撐拉素入波先

猪拉多纳

意超盃喪吞完祖雲達斯4蛋，拉素今晚展開意甲之旅當然想踢場好波博翻身，呢支首都球隊今季陣容冇乜大變，默契同實力都得以保持，以佢哋去季主場近6成嘅最先入球率嚟睇，今晚想率先撕破有歐戰後顧憂慮嘅烏甸尼斯大門唔難，1.62倍第一隊入球捧得過。（開賽時間：周一凌晨2:45）
迪拿達利穿頭縫5針頂硬上

由於有球迷喺意超盃向祖雲達斯球員作種族歧視，意足總判罰拉素嘅奧林匹高球場北看台今仗封閉，係就係少咗Fans支持，但照計唔會影響佢哋爭勝本錢。睇番意超盃場波嘅數據，拉素射門次數比「斑馬兵團」更多，輸到咁大鑊全因後防唔穩，教練柏高域前日就表明，今戰會安排艾華路干沙利斯擔正協防，穩住個後防再諗進攻，有晒作戰策略吖！

其實睇好拉素先入波，除咗因為佢哋上季意甲主場試過11次先開紀錄之外，烏甸分心歐戰都係重大因素，呢班波啱啱喺歐霸盃附加賽以1:3輸畀利巴域，仲有迪拿達利撞穿頭要縫5針，今仗要夾硬帶傷披甲，不過佢哋上季幾經辛苦先攞到歐戰入場券，嚟緊周五凌晨嘅次回合肯定想絕地反擊，教練古度連今晚收起部分主力一啲都唔奇。睇埋雙方近5次喺奧林匹高交手戰績，原來拉素有4次先入波，咁好路冇理由唔捧拉素啫！