布拉加半場勝冇蘭度

猪拉多纳

葡超勁旅布拉加，今輪聯賽主場出戰比蘭倫斯，為留力打歐霸盃將速戰速決！布軍本季開咧好順，今仗鬥升班球隊贏波冇難度，面對弱旅當然想嗱嗱臨奠勝，為周中要歐霸附加賽次回合做好準備，建議捧布拉加「半場勝」！

（周二凌晨3時開賽）
比蘭倫斯頂唔住

除波圖同賓菲加外，布拉加可算係近年葡超「第3勢力」，除於聯賽成績可人外，2年前更曾殺入歐霸盃決賽，認真sharp醒。上季畀費利拿搶走季軍僅得第4名，本季再戰歐霸盃，球隊對呢項賽事非常重視，誓要再次爭取佳績。布軍於剛過去周中，於歐霸附加賽作客1球小勝彭杜歷，雖然有優勢在手，但都絕對唔敢大意，聽日凌晨主場鬥弱旅，必希望早早入波由頭贏到尾。睇番布軍近2季戰績，近19次主場贏波，有17次半場已領先，比率接近9成，今場續追。

荷乙方面，阿積士青年隊雖兩連敗，但都係作客賽事，今輪返主場鬥弱旅安曼力足反彈，捧主W。另一場川迪青年隊有主力比治停賽，鬥丹保殊主場都讓唔起，捧「讓球客勝」。