華雷根頂得住尼科西亞

猪拉多纳

歐霸盃塞浦路斯尼科西亞主場對比利時華雷根，華雷根首回合主場只能踢成1比1令人失望，不過睇比賽過程佢哋絕對係質素較高一隊，全場大部分時間領先同佔上風，喺末段被追和之前仲差啲將比數擴大，贏唔到波相當欠運，今晚雖然主客互易，但Anton仍然相信華雷根有較佳機會晉級，尼科西亞讓到半一太過分，推介華雷根下盤。

（周五凌晨1時開賽）

尼科西亞前季歐聯一鳴驚人，殺入八強最終只被皇馬踢出局，成績震動歐洲，不過呢間小球會欠缺財力，一旦出名自然成為列強挖角對象，目前已經人面全非，佢哋喺歐聯外圍賽畀斯洛文尼亞馬里博爾踢出局，表現令人失望，今仗就算主場都難睇好；華雷根係上季比利時甲組最令人驚喜球隊，計級數絕對唔蝕，今屆歐聯外圍賽輸畀大球會燕豪芬非戰之罪，佢哋對歐洲賽十分重視，加上向來擅於作客，今晚有力偷雞。