阿甲悶蛋內訌唔識入波

猪拉多纳

聽朝南美球會盃第2圈次回合，將會上演一場「阿甲內訌」，由沙士菲主場迎戰貝格拉諾！兩軍近排都勢頹兼啞火，首回交手貝格拉諾都係主場小勝1:0，今場再追1.48倍入球細就啱數啦！（開賽時間：周五早上8:50）
沙士菲 貝格拉諾鬥死火

唔好睇沙士菲喺主場近8戰只輸過1場，就以為好硬淨呀，皆因佢哋已經連續2場食白果，如果計埋作客，近4戰更只係入過1粒，搞成咁，皆因正選前鋒莫路沙拉迪仲未傷好，家陣擔正嘅柏拉圖喺4場聯賽除咗入過球12碼之外就毫無建樹，今場想數多粒都難。

至於貝格拉諾都唔好得幾多，自8月初開咧後，踢咗5場淨係喺首回合以1球險勝沙士菲，亦未試過入多過1粒，最近5場作客有4場冇波入，今場睇怕都係悶戰一場喇！