泥賽選馬首重卡士

猪拉多纳

　　人們常說級際賽「好睇唔好賭」，昨日本欄已就此解釋原因。其實除此之外，泥地賽事同樣令人抗拒，馬迷總對之望而生畏，盡量採取忍手態度。

　　眾人害怕賭泥地馬，見之便深感頭痕，關鍵在於泥賽編排太少，因為對馬匹性能所知不多，落注一刻患得患失，遂形成抗拒心態。另一解釋是，有泥地根據之馬，賠率必熱，人們不願去賭；冇泥地根據之馬，賠率必冷，但人們害怕去賭。結果，無論馬匹是熱是冷，每當馬迷拿起排位表，便將逃避變成習慣，避之則吉。

　　事實上，泥賽真有那麼可怕嗎？賭博士發現，沒有泥地根據之馬，場地性能一味靠估，捧場固然風險極高，但好處在於分頭佳，換個角度睇，泥賽可視為尋寶樂園呢！如上季的「快樂無窮」、「神童」與「喜來仙子」等，初跑泥地俱告捷，而且賠率和味，牠們有一共通點，就是角逐草地曾一再上名。

　　換句話說，泥地揀馬應以卡士為先。