約克郡打吡撐哈特斯

猪拉多纳

英冠班士利主場對哈特斯菲爾德，呢場除咗係「約克郡打吡戰」外，仲係哈軍領隊馬克羅賓斯嘅復仇戰。此名英格蘭籍43歲領隊，09年開始教班士利繼而成名，但11年卻畀班軍借頭借路迫走，今次仇人見面，又點會留手？

（周六晚10時開賽）

11至12年開季冇耐，馬克羅賓斯離開班士利，球會聲稱主帥請辭，實情係球會緊縮買人開支，仲加重主帥主動要求離隊罰款，馬克羅賓斯只有無奈執包袱。班士利無情無義，羅賓斯就要佢哋雙倍奉還，今次作客必打真軍，要主隊連輸三場！