地震腳仔軟博銀河贏2:0

猪拉多纳

《波膽》今個星期推介美職賽事，由聖荷西地震作客洛杉磯銀河，防線雙核停賽之餘，啱啱仲遠征完危地馬拉踢中冠盃，球員體力輸蝕隨時演出走樣，撐銀河贏「2:0」。（開賽時間：周日早上10:30）

地震上場作客達拉斯捉到鹿唔識脫角，喺領先兩球大好形勢下被逼和，最慘嘅係後防孖寶祖斯甸莫路及貝拿迪斯喺比賽末段雙雙紅牌被逐，今場陪住黃牌夠數嘅中場樞紐拉菲爾巴卡作壁上觀，令攻守實力削弱。

再者，地震日前喺中冠盃遠赴危地馬拉與希雷迪亞輸0:1，計埋聽朝出戰銀河已經係佢哋連續3場作客比賽，球員接連長途跋涉，體力未必恢復得切，落到場隨時腳仔軟。相反洛杉磯銀河目前3連勝狀態勇銳，近兩場防線更係穩如泰山冇失波，聽朝主場續有當路雲、羅比堅尼等進攻好手壓陣，要輕取地震「2:0」話咁易。