諾域治 修咸頓均勢2粒啱數

猪拉多纳

今晚英超有諾域治主場迎戰修咸頓，「金絲雀」有新援雲禾夫斯雲高壓陣唔怕冇波入，但擁有列基林拔嘅修咸頓一樣有能力取得進帳，預期今場會勢均力敵，分分鐘一人入一粒，總入球取3.3倍嘅2球就啱啱好啦！（now624台周六晚10:00直播）

兩隊上季齊齊穩守中游位置，今季各自增兵後實力繼續叮噹馬頭，好可能延續近6次對賽4度打和嘅局面。「金絲雀」嘅新收購除咗有上場聯賽盃已獲進帳嘅利萊費亞等高質強援之外，仲有嚟自士砵亭嘅雲禾夫斯雲高，呢位仁兄為舊東家上陣55場就勁入28球，嚟到英超後亦都已經射入處子球，今次喺主場要入番粒照計唔成問題。

至於修咸頓亦都唔好惹，除咗早前首次入選「三獅兵團」就入波嘅大紅人列基林拔外，新簽嘅奧斯華度都唔係善類，有佢兩個拍住上，就算作客都有能力好似首兩場聯賽咁喺最後關頭入番粒o架！