達美奧發奮 國體會否極「泰」來

猪拉多纳

巴甲聽朝有大戰上演，國際體育會喺主場對哥連泰斯，主W值得吼實。隨住歐洲轉會市場關閉，意味國體會射手李安度達美奧暫時唔能夠去英超搵真銀，相信佢由呢一刻開始，每場都會搏盡入波顯身價，避免成世踎喺巴甲，信佢就要1.95倍主W！

（開賽時間：周四早上8:50）
哥連泰斯雙箭服役缺陣

原本李安度達美奧係轉會市場搶手貨，點知到最後，竟然冇球會真正開價搶人，利物浦甚至公開否認對佢有興趣添，你話李安度達美奧有咩理由唔心噏吖？當然啦，自從李安度達美奧因傷錯過洲際國家盃，佢就踢唔番個人最佳狀態，但至少最近已重返正選陣容，呢場趁科蘭踢國際賽，難得擔大旗仲唔搵人出氣咩？

睇番國體會有前鋒佐治漢歷基同中堅阿倫軒歷基停賽，連盃賽近8戰只得1勝6和1負，近4次對賽又未贏過，但哥連泰斯始終畀唔到我信心，事關前鋒柏圖喺日前場波梅開二度，助哥連以4:0大勝法林明高，狀態全面回勇，正因為咁突然獲巴西國家隊重召入伍，呢場波唔使預佢，佢位好拍檔荷西古里路一樣要為秘魯國家隊效命，雙箭齊折，哥連作客輸波有乜出奇呀？