阿爾巴尼亞受讓筍

猪拉多纳

勢勁無懼斯洛文尼亞

肥叔之前講到東南亞地區菠菜行業發展情況，近日去完多國行咗個圈，深深感受到生意有幾難做，佢哋唔單止要與本土同業競爭，仲要硬撼歐洲菠菜公司，真係唔容易。歐洲菠菜業發展飽和，需要搵新出路，唔少公司都向東南亞市場埋手，令到競爭愈來愈激烈。
歐洲菠菜公司進軍東南亞

歐洲賭波公司喺菠菜資訊方面真係贏晒，佢哋無論大小賽事都開盤，亞洲地區青年級別比賽都唔放過，有時甚至會提供埋即場數據畀客人參考，歐洲大型比賽有射門數字就話唔出奇，連呢啲四、五線賽事都有數據，真係招呼周到。歐洲莊家資源係多，但都唔會每個地方都擺人睇波，佢哋主要靠數據公司提供資料，至於啲統計數字到底係咪如實反映晒賽事戰況，咁就真係好難講喇。

國際賽周例牌難搵重心，都係小注怡情。E組阿爾巴尼亞作客斯洛文尼亞，論名氣斯洛文尼亞梗係大啲啦，不過，阿爾巴尼亞喺今屆外圍賽愈踢愈醒神，兩戰挪威唔使輸，唔覺唔覺殺咗上次席，依家個勢都幾犀利，今次對住斯洛文尼亞繼續有得受讓，呢隻下盤博得過。