掩眼法足智多謀

猪拉多纳

　　姚本輝馬房在開鑼日大陣仗，出馬達10匹，其中有3場雙龍出海，擺出在要頭彩態度。

　　一定贏四班大超

　　第二場第四班1000米。「一定贏」上季因為瘦肉精禁藥，被褫奪冠軍資格，但贏同程時真係勁，冇對手可以追近些少，目前留在四班好超。復出揀直路賽，唔轉其他路程，一心一意想真正贏番場，有運抽排外檔，呢場賽事好似度身訂造，今場頭馬穩執。

　　第五場第四班1400米。今場姚派出「足智多謀」及「得掂」，照計前駒路程短多少、係馬房第二報名出賽次序，唔多似係主力，但我覺得有此安排係掩眼法博分頭。

　　計實力，「足智多謀」上季同日贏四班1600米，之後仍可連場上名，比較起目前評分，唔算好大壓力。而隔過一個暑期之後，跑1400米一樣可應付，又好彩排內檔起步，配合到此匹必須講究檔位之馬，用回贏馬配搭賴維銘，人馬熟稔，出冷有機。