伊度奧磨利刀回歸喀麥隆

猪拉多纳

世界盃外圍賽非洲區I組賽事，喀麥隆、利比亞於最後一輪分組賽對撼，角逐此組首名出線資格。喀麥隆今場重召王牌射手伊度奧歸隊，加上一眾主力韋保、桑馬干、祖爾麥迪比均可悉數上陣，主場有力報回首循環落敗之辱，波童捧「讓球主勝」。

（周日晚10時30分開賽）

目前此組形勢，喀麥隆五戰得十分，暫以一分之微力壓今場對手利比亞；換句話講，喀麥隆今仗只要和波便可奪得小組首名出線，不過佢哋首循環作客曾以一比二不敵利比亞，而且一旦輸波便會將出線資格拱手相讓，故此相信佢哋亦唔會太龜縮，務求一舉殺敗對手取得出線權。
利比亞作客惡唔出樣

王牌射手伊度奧上次未有隨隊作客利比亞，結果球隊落敗，今次呢名前鋒強勢回歸，戰鬥力必有所提升，其餘主力如費倫巴治前鋒韋保、曾効力維拉嘅中場發電機桑馬干、助攻助守嘅史浩克小將祖爾麥迪比都可披甲，經驗活力俱備，大有不勝無歸之感。

利比亞以往從未打入世盃決賽周，對上兩次於外圍賽遇上喀麥隆作客都要輸波，今次應該難破宿命，主隊有力贏兩粒開「讓球主勝」。　

猪拉多纳