南美群雄撲飛大戰

猪拉多纳

4大射手搏拳鬥數胡

南美洲區外圍賽頭4名可以直接闖入決賽周，第5位嘅烏拉圭落後榜首雙雄阿根廷同哥倫比亞7分，球隊只剩3場賽事，今仗失分就會直接「保送」兩軍入決賽周，自己機會又細咗，梗係唔會畀機會對手，相反哥倫比亞贏波就可以book定酒店同機票，球隊多外流歐洲球員，為避免漫漫球季仲要兼顧國家隊賽事踢到殘，佢哋都想贏波速戰速決，今仗搏拳味濃，一於捧大。

（周三早上6時開賽）
阿蘇卡雲尼火併法卡奧洛迪古斯

當然，要贏波，都要有好球員識入波先得o架，咁呢層相信大家同渡邊年一樣都唔會點擔心，兩軍中前場球員粒粒巨星，球迷都可以啷啷上口，烏拉圭「哨牙蘇」蘇牙雷斯剛戰秘魯入兩粒狀態勇，仲有卡雲尼同科蘭等侵略性及經驗俱備嘅球員，加上主場出擊，同埋形勢上失分就拱手相讓個決賽周席位畀對手嘅心態，肯定攻到暈。

至於哥倫比亞大軍亦有摩納哥雙星法卡奧同占士洛迪古斯，同樣係把握力極好嘅球員，雖然和波都可以出線，但球隊唔習慣踢守勢波，而且南美球員對國家隊賽事好重視，榮辱感好強，所以有得落場一定搏命，加上今場唔早啲攞到入場券，餘下兩仗要對厄瓜多爾同阿根廷，搶分唔易，仲會令陣中効力歐洲球會嘅球員疲於奔命，穩陣啲今仗搞掂佢就瞓得安樂，相信作客都會同烏拉圭鬥攻，今仗入波唔會少。