尚駿心P飛勁爆

猪拉多纳

　　今晚係跑馬地開鑼賽，你知呢個馬場向來熱鬧，呢次都一定唔會例外。但係講到隔晚飛，大熱門好似唔係好夠信心，唔係有4倍以上，就係W熱P唔熱，都係要小心。

　　怪飛馬方面，揀頭場隻「尚駿心」。胡森馬房上次田草開鑼賽冇派馬上陣，呢匹「尚駿心」可以話係佢今季第一匹參戰馬。由於呢匹馬上季十二戰只係得一次跑入三甲，所以噚晚獨贏賠率有17倍，係可以理解，但係有樣就真係唔知點解啦，就係佢P飛竟然異常咁重，得1.2倍做大熱。或多或少，係人睇好佢入三甲象徵。唔知你信唔信，反正我就信了。

　　騎師王方面，有三個騎師賠率特別熱，佢分別係潘頓、韋達同蔡明紹，周某自己就較為鍾意韋達，都有3倍，抵博。(周仲)