紅魔發惡剷平水晶宮

猪拉多纳

曼聯開咧3戰勝和負各一，新帥莫耶斯嘅領軍能力備受質疑，好在經過國際賽小休後，紅魔喺今晚英超主場嘅對手只係新升班嘅水晶宮，更重要係佢有費蘭尼過咗嚟幫手，尹佩斯同韋碧克要省番幾粒大捷有幾難？「讓球主客和」「-2」，照追2.35倍「讓主」！

（now621台周六晚7:45直播）

「爆炸頭」上季喺英超嘅空中爭奪戰搶贏咗151次，仲勁過紅魔11個中場總和嘅94次，問你服未？查實呢位比利時國腳能攻擅守，家陣佢如願「入魔」，肯定會令曼聯實力大幅提升。

對家水晶宮升班後表現一般，條防線仲衰過紙紮，連埋聯賽盃鬥布里斯托城，開咧4戰場場都有失波，點靠得住呀？更大鑊係佢哋嘅領隊荷路維要坐2場波監，水晶宮憑乜去爆冷？