太陽海岸檔靚穩膽

猪拉多纳

　　今日沙田馬場將會上演八草二泥賽事。第三場三班1200米，秤來秤去，是一組較為單純易搞的賽事，事關可選擇馬的範圍不大。除非爆到九彩，否則唔難搞；「旺當家」勝在有過熱身，而上場由小將呂卓賢披甲，可令經常錯腳之馬轉正腳衝，似乎舞得掂了；「勁酒王」走規轉乖巧了，一旦轉好，就算困馬林也沒問題的話，當有掃晒之力；「驚雷」為去季識贏及連場於田草1200米跑得好的馬，不過總嫌工夫未太完整；同時，上述三駒均存在換配備疑問，到底落場跑到幾多，無準則；所以最後揀了「太陽海岸」博W揸Q膽，唞唞埋埋威力最強，有埋大閘更是搏殺先兆，狀態平穩而有靚檔幫手，所以秤高啲！

　　飲食世界質新博得過

　　第九場二班1200米，「寶寶飛龍」必成大熱，我不敢否定牠有再勝之力，但同組質新的「飲食世界」，潛力誰高誰低無人知，此駒適應進度快，趁有得分，一於博佢行先。(馬會賽事 首席評述員)