巴塞主場-2好餐士

猪拉多纳

美斯尼馬歐聯入波騷

歐聯Ｈ組首輪分組賽巴塞主場迎擊阿積士，阿軍有前冇後打死罷就，近兩屆４鬥另一西甲王者皇馬全數大敗，呢次去到魯營冇運行，讓球主勝「-2」有1.9倍都捧得過，要埋大盤！

（有線62及202台周四凌晨2時45分直播）
阿積士亂攻捧埋大

阿積士告魯夫時代威過威士忌，連續於71、72、73年捧起歐冠盃（歐聯前身），到95年古華特、奧華馬斯及戴維斯等土炮帶領下，決賽1比0氣走ＡＣ米蘭，史上第4度稱霸歐洲。但近10年荷甲水準有眼見，近年阿積士去到歐聯已經冇得踢，近兩屆４戰皇馬，入得兩粒失足14球。

阿積士國內也文也武，Keep住踢進攻足球，結果出到去唔識守，今次作客魯營，對手美斯、尼馬弗爆，就算大盤中位數調升至3.5球，亦要捧大盤。
ＡＣ主場恰到些路迪

同組另一戰ＡＣ米蘭主場對些路迪，雖然「紅黑兵團」有隊長蒙杜利禾、艾沙拉維、卡卡、阿比迪肯定缺陣，睇牌面似乎冇乜甜頭；但些路迪上圈作客哈薩克卡拉簡迪都要輸兩粒，嗰場細鬼做現場評述，些路迪真係曳到震。ＡＣ米蘭到底有歐聯王者氣派，今場唔止贏1粒，捧「讓球主勝」。些路迪去屆分組賽6戰5次開大，大盤可以兼顧。

（周四凌晨2時45分開賽）