寶樹高盈加速力強

猪拉多纳

　　昨晨出跳馬尚不少，惟大多屬未雨綢繆之輩，已報名周日賽事者只得十多駒提前考驗，以告、徐兩廐為主。

　　「寶樹高盈」潘頓與「一團威」助手相偕試八百米，前駒落後乘多跟隨，最後二百米從外檔加速趕上，由於被拉實，一齊衝線，步伐爽朗，活力充沛，拼後健康情況穩定，狀態頗勇；「一團威」走勢順暢，頹氣漸消。

　　「頌友」蘇灰雄試八百米，助手策「綠色威」佔先乘多帶放引導，電算機前外檔的「頌友」獲准展步上前，贏馬頭位而回，馬身飽滿紮實，惟勁力平平，與贏馬時比較尚有不足之處；「綠色威」在回起階段。

　　萬里驍有暗火

　　「萬里驍」副練試四百米，沿外欄奔跑，身壯力強，饒富暗火，及時催起。

　　「再創新高」助手試八百米，助手策新馬S4佔先一乘帶放引導，拍住轉入直路，最後二百米外檔的「再創新高」拉實下以乘多見負，馬身唔夠壯，步伐欠勁，進展緩慢，有待加強砥礪；S4埋門幾步搶口，情緒緊張，遠離水準。

　　「雙龍出海」助手試八百米，過直路神閒氣定，體力猶充沛，拼後未見不妥，續好多少。

　　「好精伶」歐道樂試八百米，清風送爽完成，體格飽滿紮實，步伐穩健，近況不差。

　　「齊歌唱」蔡明紹試千二米，貼欄疾馳，步幅開得闊，雙目炯炯有神，上勁起力，好過上賽。

　　金堡龍華步姿輕鬆

　　「金堡龍華」賴維銘試四百米，按韁慢跑，姿態輕鬆體力已復，委實有生氣。

　　「駿威勝」歐道樂試八百米，出腳順暢有力，情緒比前集中，進度理想，在冒起中。

　　「路路發」助手試四百米，走勢爽朗，過終點餘勢猶強，試來似模似樣，觀感勝前。

　　領得漸趨成熟

　　「領得」潘頓試八百米，胸口冇汗濕，緊張情緒似有改善，腳勁增強，漸趨成熟。

　　「正白旗」呂卓賢試千二米，含枚疾走，身強體壯，神色尚好，七八分光景左右。

　　「勁力」告達理試八百米，快開到底，落腳稍重，健康則正常，初做工夫而已，未惹好感。