標準列治長勝有堡證

猪拉多纳

C組比利時標準列治主場對丹麥艾斯堡，經過幾季沉寂後，標準列治係目前歐洲其中一支狀態最好嘅球隊，連佢哋一向要求極高嘅球迷，亦因為球隊戰績出色而重返球場支持球隊，今晚主場迎擊一支丹麥平庸隊伍，我認為標準列治可以輕鬆取勝，推介標準列治「讓球主勝」。

（周五凌晨1時開賽）
艾斯堡質態俱平庸

近季令人失望嘅標準列治，今季組軍工作做得非常出色，球隊兵源充裕人腳鼎盛，教練盧桑治得掂班球星，球隊採輪換制下，一班星級球員好似上季首席射手尼日利亞前鋒伊斯基爾、來自慕遜加柏嘅箭頭迪甘馬高等，都唔係必然正選，但一落場就肯砌盡，佢哋目前喺比甲聯賽7戰全勝入16球僅失2球，拋離死敵布魯日同安德列治4至6分，喺歐霸過關歷程上三輪賽事主客共6仗亦全數贏波，弗到爆燈，今晚迎戰喺低水平嘅丹超都踢到跌跌撞撞嘅艾斯堡，級數同狀態都贏晒，相信主隊唔只贏一粒。