千軍萬馬賢廐省招牌

猪拉多纳

　　看今季兩位新紮練馬師，容天鵬和蘇偉賢俱未開齋，二人師承冠軍級人馬，季前預期應有一番作為，可惜跑了四個回合，前者派兵八次皆北，成績原地徘徊，後者僅得兩亞，同樣五十步笑百步。

　　說實話，容、蘇兩倉養馬雖多，但普遍評分欠優勢，若非被上手榨亁榨淨，便是質素見盡之輩。把兩者比較，蘇偉賢似乎較有本事，「進取」是八歲老馬，「開心飲勝」則能力有限，下風馬雙雙入Q，盡顯練者本身魄力過人，我看賢廐距離開齋時日不遠，甚至有可能今戰嚟料！

　　先講第六場「千軍萬馬」，此駒現評47分，誠是在港以來新低，泥地1200米乃唯一出路，今排二檔起步，客觀條件有利，賽前試泥閘走勢亦相當好，若然在此贏馬也不足為奇。關鍵在於，馬兒昔日由蔡約翰訓練，若果今鋪掄元，賢廐招牌即時「立立靚」，不拼何待？

　　再講第四場的「千杯豪情」，來港後八戰俱敗，五歲馬屢拼未逞，惟上季曾於田草1400米跑得接近，僅負頭馬一乘許，如今評分銳減，回歸同程要郁手了！

　　（賭博士）