漢諾威硬淨平手盤可捧

猪拉多纳

新加坡方面近日郁手打擊假波集團，查實好多行家都知係邊班人做，但冇乜人敢搞佢哋。嗰班涉案人士近年生意愈搞愈大，足迹遍布全球，係就係搵到快錢，不過，呢種搵食手法真係好高風險，上得山多終遇虎，今次終於齊齊落網。
主流聯賽少蠱惑

查實莊家打開門做生意，晨早做足晒風險管理，但都好怕面對賭博集團，佢哋已經將個別戶口列入黑名單，並設定最高投X額，而當有人大注買落去時，菠菜公司就會大幅度調低水位，藉此減低風險，若然遇到極端情況，甚至會決定cut埋個戶口，以免受到狙擊。

由於依家風聲緊，賭博集團惟有專揀喺次級聯賽搵食，所以肥叔幾時都提醒大家主力最好玩番主流聯賽，費事跌入投X陷阱。

德國賽事早年出過事，但依家已經洗晒低，隨住德甲水平愈來愈高，依家賽事形象正面，係值得研究嘅聯賽。今次肥叔都推介場波，漢諾威主場對奧格斯堡，漢諾威本身評級唔高，但查實呢班波係隱形主場王，喺自己地頭出擊好硬淨，今場對住同級對手奧格斯堡，普遍菠菜公司做緊平手盤，唔使讓波真係筍到不得了，呢場唔使諗咁多，一於捧漢諾威啦！

（周六晚9時30分開賽）