綠茵 市原為名宿踢牙骹「大」戰

猪拉多纳

今日嘅日乙頭場幾有睇頭，東京綠茵喺駒澤公園總合運動陸上競技場招呼千葉市原，1.8倍入球大最啱玩。兩隊最近變身「大」球會，入球騷開個不停，而且今場有J-League嘅20周年紀念活動，賽前有雙方元老隊進行比賽，擺明係牙骹戰，砌到盡要入波應該唔會少。

（開賽時間：周一下午1:30）
綠茵高原直泰叉足電

現時綠茵得45分，形勢上好難追得上玩升班附加賽，相反有55分嘅市原就幾穩陣有得踢，但咁係咪代表綠茵會放軟手腳呢？未必喎，至少賽前兩隊嘅元老隊要為牙骹而戰，綠茵嘅名波浩、市原嘅中西永輔都會出戰，相信佢哋嘅球員，唔會喺班前輩面前Hea踢啩？

同時，綠茵嘅高原直泰喺日皇盃休息後，上星期嘅聯賽只係做後備，叉足晒電，今場有機會打番正選，發威入波唔奇。至於市原新簽嘅森本貴幸，回歸日本已經有一段時間，唔單只摸清咗日乙路數，今場仲係倒戈對住母會，係時候開齋入波，撞啱綠茵連續5場開入球大、市原近5場4次開入球騷，大家識點揀啦！