更捷勝王牌惹飛

猪拉多纳

　　個星期日，因為打風取消賽事，唔知今次谷草夜賽投X額會唔會因為咁而多呢？噚日睇飛，除第七場「美麗昇華」隔晚賣到1.8倍，好似好有信心之外，其他場次都好似搵唔到重心，不如博一博怪飛馬好過。

　　今次其實幾得意，有好幾匹馬，唔知係咪因為馬房出王牌幫佢報名，所以今仗獨贏賠率大跌，當中最值得留意，應該係第四場蘇王牌馬「更捷勝」。呢匹馬今次係季內初出，由於佢上季尾幾乎次次大敗，所以賠率冷到震，上仗都仲有50倍咁多。今次佢個W突然得番10倍，究竟係因為張王牌定係一檔，好難講，不過周某就一定跟實。

　　騎師王方面，安國倫今次只係得9倍，好少見佢咁熱，一於捧佢。