羅連安特門口狗食賽

猪拉多纳

今季法甲被視為兩豪之爭，巴黎聖日耳門同摩納哥都有超強班底，吸引唔少球迷注意，好多行家預期呢個聯賽將來可躋身歐洲一線聯賽行列。現階段法甲仲係發展中，好多地方仲有不足，但假若嚟緊有更多球星去當地搵食，隨時可挑戰意甲地位，成為歐洲其中一個重要聯賽。

法甲傳統勁旅馬賽今季被看淡，大軍目前身處法甲前列，開季演出算係唔錯，但大部分菠菜公司仍然調低佢哋嘅評級。馬賽今輪作客羅連安特，對手只係下游球隊，普遍莊家都做緊平手盤，若果馬賽真係贏得，又點會開個咁嘅盤益街坊吖！主隊羅連安特屬典型主強客弱型球隊，主場演出好硬淨，今次絕對有力砌低對手，平手盤博得過！

（周六晚８時開賽）
史浩克唔齊腳反得

同日德甲賽事賀芬咸主場對史浩克04，主隊名氣同近況都唔及對手，今場莊家都係開平手盤，相信唔少人會選擇支持史浩克。不過，史浩克家陣人腳唔齊，戰鬥力大減，千祈唔好盲目追呢隊名氣球隊，肥叔睇好賀芬咸贏得，平手盤捧主隊。