拜仁大軍兵臨城下

猪拉多纳

衞冕盟主強攻曼徹斯特

歐聯分組賽D組上演榜首大戰，英超富豪曼城主場迎戰德甲班霸拜仁慕尼黑，曼城主場威力極強，亦係今季英超入波最多勁旅，不過拜仁係上屆歐聯盟主，挾近一個月三線作戰全勝強勢大鬧曼徹斯特，誓要搞到滿城風雨，兩支火力強橫球隊於無壓力下對決，預期會合演一場入球騷，黑柴推介1.7倍大盤。

（有線64及203台周四凌晨2時45分直播）
曼城主場入球率驚人

堂堂歐聯兩強大戰，點解黑柴話冇壓力？兩軍咁早喺分組賽碰頭，表面睇好似好難打，但實際上同組其餘兩隊莫斯科中央陸軍同柏辛域陀尼亞級數差得太遠，無論今場產生乜嘢賽果，對兩隊出線都唔會構成好大影響，因此兩軍大可以放開懷抱搶攻。

曼城今季喺英超開得唔算順利，目前只排名第7，但無論攻力同主場成績都極強，聯賽6戰入14球冠絕英超，主場聯賽連盃賽4戰全勝共轟入15球，每仗都最少贏對手兩球或以上．數字相當驚人。中前場耶耶托尼、迪斯高、阿古路，加埋後備席上嘅尼格度同祖維迪，火力驚人，佢哋喺前季歐聯分組賽亦曾經同拜仁同組，雖然最終未能出線，不過主場都贏過拜仁，今仗當然有爭勝信心。
馬里奧葛斯傷愈候命

拜仁踏入9月開始全面上力，新帥哥迪奧拿給予球員更大自由度，球隊三線作戰近5戰全勝，今季所有作客賽事都有波入，球隊中前場猛將如雲，洛賓、文迪蘇傑、卻奧斯及舒韋恩史迪加，於「國王」列貝利帶領下進攻板斧極多元化，火力不遜曼城，今仗連金童馬里奧葛斯都傷愈候命，呢支衞冕冠軍即使作客，一樣會同曼城對攻，試問入波又點會少？大盤好路！